మమ శ్రీదుర్గాపరమేశ్వరీప్రసాదేన చింతితసకలమనోరథసిద్ధ్యర్థమ్, ఆయుర్విద్యాయశోబలవృద్ధ్యర్థమ్, సర్వారిష్టపరిహారద్వారా సమస్తమంగలావాప్త్యర్థమ్, విశేషతః అస్మిన్ భారతదేశే పరిదృశ్యమానపరస్పరవిద్వేష–హింసా–నిందాదీనాం నివృత్తిద్వారా ధర్మశ్రద్ధాలూనాం సకలశ్రేయోఽభివృద్ధ్యర్థమ్, ఏతద్దేశరాజ్యపరిపాలకానాం ధర్మే శ్రద్ధాభివృద్ధ్యర్థమ్, ధనధాన్యాదిసకలసంపత్సమృద్ధ్యర్థమ్ శ్రీదుర్గాసప్తశ్లోకీపారాయణం కరిష్యే ।
జ్ఞానినామపి చేతాంసి దేవీ భగవతీ హి సా ।
బలాదాకృష్య మోహాయ మహామాయా ప్రయచ్ఛతి ॥ 1 ॥
దుర్గే స్మృతా హరసి భీతిమశేషజంతోః
స్వస్థైః స్మృతా మతిమతీవ శుభాం దదాసి ।
దారిద్ర్యదుఃఖభయహారిణి కా త్వదన్యా
సర్వోపకారకరణాయ సదార్ద్రచిత్తా ॥ 2 ॥
సర్వమంగలమాంగల్యే శివే సర్వార్థసాధికే ।
శరణ్యే త్ర్యంబకే గౌరి నారాయణి నమోఽస్తు తే ॥ ౩ ॥
శరణాగతదీనార్తపరిత్రాణపరాయణే ।
సర్వస్యార్తిహరే దేవి నారాయణి నమోఽస్తు తే ॥ 4 ॥
సర్వస్వరూపే సర్వేశే సర్వశక్తిసమన్వితే ।
భయేభ్యస్త్రాహి నో దేవి దుర్గే దేవి నమోఽస్తు తే ॥ 5 ॥
రోగానశేషానపహంసి తుష్టా
రుష్టా తు కామాన్ సకలానభీష్టాన్ ।
త్వామాశ్రితానాం న విపన్నరాణాం
త్వామాశ్రితా హ్యాశ్రయతాం ప్రయాంతి ॥ 6 ॥
సర్వాబాధాప్రశమనం త్రైలోక్యస్యాఖిలేశ్వరి ।
ఏవమేవ త్వయా కార్యమస్మద్వైరివినాశనమ్ ॥ 7 ॥
కామెంట్‌లు లేవు:
కామెంట్‌ను పోస్ట్ చేయండి