ప్రాతః స్మరామి భవభీతిహరం సురేశం
గంగాధరం వృషభవాహనమంబికేశమ్ ।
ఖట్వాఙ్గ శూల వరదాభయ హస్తమీశం
సంసార రోగహర మౌషధ మద్వితీయమ్ ॥ 1॥
ప్రాతర్నమామి గిరిశం గిరిజార్ధదేహం
సర్గస్థితిప్రలయకారణమాదిదేవమ్ ।
విశ్వేశ్వరం విజితవిశ్వమనోఽభిరామం
సంసార రోగహర మౌషధ మద్వితీయమ్ ॥ 2॥
ప్రాతర్భజామి శివమేకమనన్తమాద్యం
వేదాన్తవేద్యమనఘం పురుషం మహాన్తమ్ ।
నామాదిభేదరహితం షడభావశూన్యం
సంసార రోగహర మౌషధ మద్వితీయమ్ ॥ 3॥
ప్రాతః సముత్థాయ శివం విచిన్త్య
శ్లోకాంస్త్రయం యేఽనుదినం పఠన్తి ।
తే దుఃఖజాతం బహుజన్మ సంచితం
హిత్వా పదం యాన్తి తదేవ శమ్భోః ॥ 4॥
॥ ఇతి శివ ప్రాతః స్మరణ స్తోత్రం॥
కామెంట్‌లు లేవు:
కామెంట్‌ను పోస్ట్ చేయండి