ప్రాతః స్మరామి గణనాథమనాథబన్ధుం
సిన్దూరపూరపరిశోభితగణ్డయుగ్మమ్ ।
ఉద్దణ్డవిఘ్నపరిఖణ్డనచణ్డదణ్డమ్
ఆఖణ్డలాదిసురనాయకవృన్దవన్ద్యమ్ ॥ 1॥
ప్రాతర్నమామి చతురాననవన్ద్యమానమ్
ఇచ్ఛానుకూలమఖిలం చ వరం దదానమ్ ।
తం తున్దిలం ద్విరసనాధిపయజ్ఞసూత్రం
పుత్రం విలాసచతురం శివయోః శివాయ ॥ 2॥
ప్రాతర్భజామ్యభయదం ఖలు భక్తశోక
దావానలం గణవిభుం వరకుంజరాస్యమ్ ।
అజ్ఞానకాననవినాశనహవ్యవాహం
ఉత్సాహవర్ధనమహం సుతమీశ్వరస్య ॥ 3॥
శ్లోకత్రయమిదం పుణ్యం సదా సామ్రాజ్యదాయకమ్ ।
ప్రాతరుత్థాయ సతతం యః పఠేత్ప్రయతః పుమాన్ ॥ 4॥
॥ ఇతి శ్రీగణేశ ప్రాతః స్మరణమ్ ॥
కామెంట్‌లు లేవు:
కామెంట్‌ను పోస్ట్ చేయండి