ప్రాతః స్మరామి భవభీతిమహార్తిశాన్త్యై
నారాయణం గరుడవాహనమబ్జనాభమ్ ।
గ్రాహాభిభూతవరవారణముక్తిహేతుం
చక్రాయుధం తరుణవారిజపత్రనేత్రమ్ ॥ 1॥
ప్రాతర్నమామి మనసా వచసా చ మూర్ధ్నా
పాదారవిన్దయుగలం పరమస్య పుంసః ।
నారాయణస్య నరకార్ణవతారణస్య
పారాయణప్రవణవిప్రపరాయణస్య ॥ 2॥
ప్రాతర్భజామి భజతామభయంకరం తం
ప్రాక్సర్వజన్మకృతపాపభయాపహత్యై ।
యో గ్రాహవక్త్రపతితాంఘ్రి గజేంద్ర ఘోర-
శోకప్రణాశనకరో ధృతశంఖ చక్రః ॥ 3॥
శ్లోకత్రయమిదం పుణ్యం ప్రాతః ప్రాతః పఠేత్తుయః ।
లోకత్రయగురుస్తస్మై దద్యాదాత్మపదం హరిః ॥ 4॥
॥ ఇతి శ్రీవిష్ణోః ప్రాతఃస్మరణమ్ ॥
కామెంట్‌లు లేవు:
కామెంట్‌ను పోస్ట్ చేయండి